Sjávarútvegur
Sýningin SJÁVARÚTVEGUR 2016 hlaut einstaklega jákvæð viðbrögð gesta og sýnenda. Sýningin var haldin í allri Laugardalshöllinni og er með stærri og viðameiri sýningum sem haldnar hafa verið á Íslandi. Það var mikill fjölbreytileiki á sýningunni. Þarna voru stór fyrirtæki er þjóna sjávarútveginum með mjög fjölþættar lausnir og líka einstaklingar í litlum fyrirtækjum með framsæknar lausnir og tæki.
Í ljósi hinna einstaklega jákvæðu viðbragða sýnenda og gesta hefur verið ákveðið að halda næstu sjávarútvegssýningu 2019. Skoðanakönnun meðal sýnenda leiddi í ljós yfirgnæfandi meirihluti taldi að hæfilegt væri að hafa slíka sjávarútvegssýningu á þriggja ára fresti. Þegar eru innlend sem erlend fyrirtæki tekin að panta bása á sýninguna 2019.
SJÁVARÚTVEGUR 2019 verður haldin í Laugardalshöllinni 25. – 27. september 2019.
Allar frekari upplýsingar
Stóreldhúsið 2019
STÓRELDHÚSIÐ er fagsýning fyrir stóreldhúsageirann. Sýningin hefur verið haldin annað hvert ár síðan 2005. Hefur hún vaxið ár frá ári sem sýnir hversu vel hún nær til markhópanna. Helstu markhópar sýningarinnar eru: skólarnir, vinnustaðir, stofnanir, spítalar, hótel, veitingageirinn, mötuneyti, skyndibitastaðir, bakarí, framleiðslueldhús og matvælaiðnaður.
Eingöngu fagfólki frá ofangreindum vinnustöðum er boðið á sýninguna. Fyrirtæki geta sýnt og kynnt fyrir fagfólki matvörur, tæki, búnað og annað er tilheyrir stóreldhúsum. Á sýningunni STÓRELDHÚSIÐ gefst einstakt tækifæri á að kynna vörur og þjónustu fyrir stóreldhúsamarkaðnum.
STÓRELDHÚSIÐ 2019 verður haldið í Laugardalshöllinni 31. oktober til 1. nóvember
Allar frekari upplýsingar